ഒരിക്കൽ ഒരു രാജാവ് അദ്ദേഹത്തിൻ്റെ ഉപദേശകൻ്റെ കൂടെ കാട്ടിലൂടെ നടക്കുകയായിരുന്നു. യാത്രക്കിടയിൽ കരിക്ക് ചെത്തിയ രാജാവിൻ്റെ വിരൽ തുമ്പ് അറ്റുപോയി.

വേദന കൊണ്ട് പുളയുന്ന രാജാവിനോട് സാരമില്ല പ്രഭൂ എല്ലാം നല്ലതിനായിരിക്കുമെന്നു ഉപദേശകൻ ആശ്വസിപ്പിച്ചു. രാജാവിനു ആ വാക്ക് തീരെ ദഹിച്ചില്ല

കോപം കൊണ്ട് അദ്ദേഹം വിറച്ചു .

രാജാവ് അടുത്തു കണ്ട പൊട്ടക്കിണറ്റിൽ ഉപദേശകനെ തള്ളിയിട്ടു.

അടുത്ത ദിവസം രാജാവ് കൊടുംകാട്ടിൽ നിന്നും പുറത്ത് ഇറങ്ങാൻ ഒരുങ്ങുകയായിരുന്നു. ആ സമയത്ത് ഒരു സംഘം കാട്ടു മനുഷ്യർ അദ്ദേഹത്തെ പിടികൂടി നരഭലിക്കായി ഒരാളെ തേടി നടക്കുകയായിരുന്നു അവർ രാജാവിനെ പിടികൂടി ഒരു മരത്തിൽ കെട്ടിയിട്ടു.

കാട്ടു മൂപ്പൻ എത്തി രാജാവിനെ അടിമുടി പരിശോധിച്ചു. നരഭലിക്കായി കൊണ്ടുവന്നവൻ്റെ വിരൽ അറ്റുപോയിരിക്കുന്നതായ് കണ്ടു വൈകല്യം ഉള്ള ഒരാളെ നരഭലിക്ക് യോചിക്കില്ലാന്ന് പറഞ്ഞ് രാജാവിനെ അവർ വെറുതെ വിട്ടു.

പെട്ടന്നാണ് രാജാവിനു തൻ്റെ ഉപദേശകൻ്റെ വാക്കുകൾ ഓർമ വന്നത്. ഉടനെ രാജാവ് ആ കിണറിൻ്റെ അരികിലെത്തി ഉപദേഷകനെ പുറത്ത് എടുത്ത് മാപ്പ് പറഞ്ഞു.

പക്ഷെ ഉപദേഷകൻ്റെ മറുപടി ഇപ്രകാരമായിരുന്നു.

മാപ്പ് ചോദിക്കേണ്ട കാര്യമൊന്നും ഇല്ല പ്രഭൂ

ഒരു കണക്കിന് എന്നെ പൊട്ടക്കിണറ്റിൽ തള്ളിയിട്ടത് നന്നായി അല്ലങ്കിൾ അവർ എന്നെ നരബലിക്ക് തെരഞ്ഞെടുക്കുമായിരുന്നു 😊